ກຽມໂຕກ່ອນຈະລົງມືຂຽນແອັບ android ດ້ວຍ React native

ບົດຄວາມນີ້ເຮົາຈະມາອະທິບາຍກ່ຽວກັບວິທີ່ການຕິດຕັ້ງເຄື່ອງມືຕ່າງໆ ໃນ Windows ສຳລັບ react native ແລະ ໂປຣແກຣມ Android Studio ໃນການສ້າງແອັບ.

• ໂດຍເຄື່ອງມືທີ່ເຮົາຈະໃຊ້ໃນການ Setup ປະກອບໄປດ້ວຍ:

1. ຄອມທີ່ມີລະບົບປະຕິບັດການເປັນ Windows OS
2. Visual Studio Code
3. Android Studio
4. Built-in emulator in Android Studio
5. Node Package Manager (NPM)
6. Node.js (Version 8 or newer)
7. React Native command line interface (React Native CLI)
8. Java Development Kit (JDK 8 or newer)

• ຂັ້ນຕອນໃນການຕິດຕັ້ງ:

1. ຂັ້ນຕອນທີໜຶ່ງ: ຕິດຕັ້ງໂປຣແກຣມ Visual Studio Code

ໃຫ້ໄປທຳການ Download ແລະ ຕິດຕັ້ງໂປຣແກຣມ Visual Studio Code ເວີຊັນລ່າສຸດຈາກ Website ນີ້: https://code.visualstudio.com/

      2. ຂັ້ນຕອນທີສອງ: ຕິດຕັ້ງໂປຣແກຣມ Android Studio

          1) ໃຫ້ໄປທຳການ Download ແລະ ຕິດຕັ້ງໂປຣແກຣມ Android Studio ເວີຊັນລ່າສຸດຈາກ Website ນີ້: https://developer.android.com/studio/

           2) ໂປຣແກຣມ Android Studio ຈະຕິດຕັ້ງ Android SDK ເວີຊັນລ່າສຸດໃຫ້ອັດຕະໂນມັດ. ແຕ່ ສຳລັບ React native ແມ່ນຕ້ອງໃຊ້ Android 6.0 (Marshmallow) SDK ຫຼື ສູງກ່ວານີ້ກໍໄດ້. ແຕ່ໃນບົດຄວາມນີ້ຈະໃຊ້ເປັນ Android 7.1.1 (Nougat). ແຕ່ຖ້າຜູ້ອ່ານຢາກໃຊ້ເວີຊັນອື່ນ ກໍສາມາດໃຊ້ໄດ້ບໍ່ເປັນ ແຕ່ຫ້າມນ້ອຍກວ່າ 6,0

      # ຢ່າລືມຕິດຕັ້ງເຄື່ອງມື SDK tools ເຫຼົ່ານີ້ໃຫ້ຄົບກ່ອນ:

     ສິ່ງສຳຄັນ: ຜູ້ອ່ານຕ້ອງມີ່ Intel x86 Emulator Accelerator (HAXM installer) ເພື່ອທີ່ຈະ run emulator ໃນ Windows. ສຳລັບລາຍລະອຽດເພີ່ມຕື່ມແມ່ນເຂົ້າໄປເບິ່ງທີ່: https://github.com/intel/haxm/wiki/Installation-Instructions-on-Windows

      ອີກອັນໜຶ່ງແມ່ນ: ໃນກໍລະນີທີ່ຍັງບໍ່ສາມາດໃຊ້ AVD ໄດ້ ແມ່ນໃຫ້ເປີດໃຊ້ Intel Virtualization Technology ໂດຍເຂົ້າໄປຈັດການທີ່ Bios ໂດຍໄປທີ່: https://stackoverflow.com/questions/21635504/error-during-installing-haxm-vt-x-not-working

       ==>> ສ້າງ ANDROID_HOME : ຄລິກຂວາໃສ່ This PC ເລືອກ Properties > Advanced System Settings > Tab Advanced > Environment Variables > New (User variable) ຫຼັງຈາກນັ້ນໃຫ້ເພີ່ມຂໍ້ມູນໃຫ້ຄົບ:

       ==>> ສ້າງ JAVA_HOME : ຄລິກຂວາໃສ່ This PC ເລືອກ Properties > Advanced System Settings > Tab Advanced > Environment Variables > New (User variable) 

            3. ຂັ້ນຕອນທີສາມ: ຕິດຕັ້ງ Node

            1) ໃຫ້ໄປທຳການ Download ແລະ ຕິດຕັ້ງໂປຣແກຣມ Visual Studio Code ເວີຊັນລ່າສຸດຈາກ Website ນີ້: https://nodejs.org/en/ ໝາຍເຫດ: NPM package ຈະຕິດຕັ້ງໃຫ້ ແບບ auto ກັບ Node ເລີຍ.

            2) ເມື່ອຕິງຕັ້ງ Node ເປັນທີ່ຮຽບຮ້ອຍແລ້ວ ຕໍ່ມາແມ່ນໃຫ້ຕິດຕັ້ງ install React Native CLI ໂດຍເຂົ້າໄປທີ່: ກົດປຸມ Windows ແລ້ວພິມ cmd  ແລ້ວວາງ ຄຳສັ່ງນີ້ລົງ:

                 >>$ npm install -g react-native-cli

              4. ຂັ້ນຕອນທີສີ່: ເປີດໃຊ້ງານ embedded JDK

Android Studio ແມ່ນມາພ້ອມກັບ Feature ໜຶ່ງທີ່ເອີ້ນວ່າ embedded JDK ເຊິ່ງຕ້ອງໄດ້ເປີດໃຊ້ງານ ໂດຍໃຫ້ເປີດ Android Studio ຂື້ນມາແລ້ວໄປທີ່: File → Other Settings → Default Project Structure ໃນ Android Studio:

               

ກໍຖືວ່າເປັນການສຳເລັດການກະກຽມເຄື່ອງມືໃນການສ້າງແອັບ Android ດ້ວຍ React Native ບົດຄວາມຕໍ່ໄປຈະເປັນການ ທົດລອງສ້າງ React native projects.